March 7, 2024: March 7th 2024 deh, Nagaland Pollution Control Board kan District Administrative Dimapur lokot collaborate kuri nah ekta interactive meet lui shae Dimapur laka sob colony leaders kan lokot deh. Etu meet tho taikan National Clean Air Program (NCAP) pitor deh lui shae aro lua jaka tho Hotel Saramati, Dimapur deh taki shae.
Deputy Commissioner Dimapur, Dr. Tinojongshi Chang, NCS para gathering keh address kuri shae. Taila address deh tai para pollution related problems kan phat hata bole lakeh kui shae aro itia act nakuri leh tho future generations karne consequences kan bishi costly hobo kui shae. Tai para aro manu kan taikan laka mind-set tho change kuri bole lakeh kui shae. Taikan nijor sabo kuri bole lakeh kui shae government keh depend nakuri nah.
Deputy Commissioner para Gandhiji laka vision kuto Clean India karne ase, etu vision achieve kuri bole itia b baji nah ase kui shae. Tai para aro colony laka leaders kan keh pollution related proposal kan ani b kui shae district administration laka agae deh.
Yanathung Kithan, Scientist ‘B’ NPCB, Akangmeren Imchen Scientist ‘B’ NPCB, Rongsenben Longkumer Junior Scientific Assistant, NPCB, Hanpong Konyak Junior Scientific Assistant, NPCB para ekta technical interaction conduct kuri shae members kan loot deh. Member Secretary, NPCB, K Hukato Chishi, IFS para keynote address di shae program deh.
Add Comment