Headlines

NPF kan Sorkar julabole babuna kura sabana hi hobo

October 13, 2018

DIMAPUR, OCTOBER 13 : NDPP pora NPF Party kan Sorkar julabole babuna kura toh sabana hi koi kena janaise. Kele tai kan PDA Sorkar toh thik pora mela-mele kurikena ase aro tai 2 jun mela-mele kura ke ekjun-ekjun ke mon melekena kam julabole karne ahkete hi jai ase koi kena.

Khobor te NPF Party laga kotha ke khilaf kurikena NDPP pora Opposition Party kan toh purana kotha hi 2 bar-3 bar koi ase. Etubi tai kan NPF Party kan toh 26 members election chetikena ekta Single Largest ase koi kena. Etu ke NDPP pora kun porabi etu 26 election cheta kan ke khilaf kurikena nai koi kena janaise. Huilebi NPF kan 60 jaka majutte khali 26 hi election chetibole bari kena ase. Aro NDPP-BJP Alliance kan 60 jaka pora 30 chetibole barikena ase. Etu karne NDPP-BJP mela-mele kurikena etu jaka cheta ke besi huise aro etu nemite hi Honourable Governor pora Sorkar julabole dese koi kena janaise.

NDPP Party porabi NPF President aro Leader of Opposition pora CEC Meeting, NPF laga te kotha kura ke khilaf pora etu toh ekta pakala laga kotha nesena ase. Kele NPF Party kan toh khali PDA bitor laga ki-ki hi jana nesena ase. Huilebi tai kan neju Party laga Rank aro File kan ke eman khushi nabai kena thaka toh najani koi kena janaide thakise.

Jua-jua General Election mana time te NPF Party logot public manu kan eman khilaf kurikena thakise. Aro etu ke manibole kuribi koi kena NDPP pora janaise. Aro etu kotha janaide kena NDPP porabi chuti NPF Party kan Sorkar julabole mon ase koile ahkete public manu laga motub babole (win people’s mandate) kuribi koi kena janaise. Aro NPF Party laga MLA Yitachu laga kotha etu Election Commission of India laga nemite juwab dese. Etu ke NDPP kan etu kotha toh khali ene kotha hi ase. Etubi sob thik nathaka laga kotha hi ase koi kena.

Etu oporte NDPP Party porabi Naga manu kan aro 2 bar NPF Party laga haat pora phasibole nahui. Etubi NPF Party pora Sorkar toh bhal pora manabole kuribo koi kena koa ke. Etu ke aro NDPP Party aro tai kan PDA Sorkar porahi ulta Naga manu kan ke bhal sorkar jula dekhaidebole ase. Aro etu toh tai kan sorkar laga babuna hi ase koi kena janaise. Aro etu oporte tai kan NDPP Party ke motub kura public manu kan ke ene moila nesena charidebole nahui. Huilebi ulta bhal sorkar julabole kurikena ahkete luijabole kuribo koi kena janaide thakise.