Office of the Deputy Commissioner, Kohima para sob NPO organization khan para strict para manikina chulibole nimitey ekta notification issue kurisey. Planning & Transformation Department para issue kora Office Memorandum hisap te aro Prevention of Money Laundering (Maintenance of Records) Amendment Rules, 2023 hisap te Ministries/Departments of Government of India aro State Government laga taraf para poisa bisara sob Non-Profit Organisation (NPOs), bank account khula aro operate kora, taikhan laga Foreign Contribution Regulation Act (FCRA) status register/renew kora nohoilebi Income Tax Act laga Section 80-G under te exemption bisara khan para NGO Darpan Portal, kuntu ke NITI Aayog para maintain korey etu te register kurikina ekta Unique Identity Number pabo lagey. Central Government laga ministry aro department khan para fraud komabole nimitey Darpan ID tu compulsory kuridisey.
Etu nimitey, Societies Registration (Nagaland Third Amendment) Act, 2008 under te register hoikina thaka sob NPO aro society khan ke taikhan order namana nimitey ki hoilebi register kurikina NGO Darpan Portal para ekta Unique ID olabole koisey taki taikhan laga registration tu ban aro cancel nohobo.
Add Comment