Dimapur, 20 December: Christmas laga spirit te agae rakhi kena, National People’s Party, Nagaland State laga State Minority Cell (Non-Tribal) para State Parent Body laga active support logote Advent Christmas Charity Outreach toh District Hospital, Dimapur te 19th December 2021 te loise. Outreach programme samai te Minority Cell laga officials aro members toh konbah State Officials logote District Hospital Dimapur te 2:00 PM te loise aro 100 opor Christmas Gift Hampers toh present kora thakise. Etu toh Medical Fraternity laga members te present korise aro etu te doctors aro nurses duty te thaka be melikena thakise.
Etu moina agae te, NPP Nagaland State laga State Women Wing be enaka Advent Christmas Charity Outreach Programme lowa thakise. Charity drive samai te, NPP State Women Wing laga officials aro members toh Peren District te Operation Salvage Rehabilitation Canter te lok korise aro ration samai khan- jawal, dal aro khaa-lowa saman khan be melikena inmates ke deya thakise. Etu bechite tai khan para 250 nesana food packets toh Dimapur Railway Station osor-osor jaga te dukhiya aro khor nathaka khan te deshe.
Add Comment