May 13, 2021. Assam State NRC Coordinator Hitesh Dev Sarma para Supreme Court te petition filed korikena NRC draft aro supplementary list toh re-verification koriboli janaishe. NRC (National Register of Citizens) laga final draft toh August 31, 2019 saal te published korishe. NRC Coordinator Hitesh Dev Sarma para petition te koishe ke, “tangor komjuri kam” toh final NRC draft aro supplementary list te thurishe. State NRC Coordinator para re-verification koriboli janaishe aro etu te District Judge, District Magistrate aro Superintendent of Police para bahl para saikena jaboli koishe. Hitesh Dev Sarma para tai laga petition te koishe ke, NRC draft te ineligible nam besi samil ase koishe. Sarma para apex court logot koishe, NRC te nam kalti thaka putli koriboli toh national security neum hesab te ase. Assam Chief Minister Himanta Biswa Sarma para be olop din akhe te State Government para NRC toh re-verification koriboli koikena ase. “NRC te kalti hoikena thaka toh ami kahn besi bhal para janikena ase, ami khan para districts list osor border Bangladesh te 20% re-verification laki ase aro dosura district nemite 10% re-verification laki. Etu bechete NRC toh correct hoile, state government para manikena kam toh akhe te loikena jabo. Hoilebi, NRC te kalti thakile re-verification koriboli lage, ami khan para Supreme Court logot etu kam toh bhal para sabo thibo mon ase,” koikena Himanta Biswa Sarma para koishe.
Add Comment