Moscow, 9 August 2025: Russia laga First Deputy Prime Minister Denis Manturov aru India laga National Security Advisor (NSA) Ajit Kumar Doval meeting loise, juntu bitor te defense aru strategic cooperation opor te focus korise, Russian Embassy Friday din announce korise.
Embassy laga kotha hisap te, discussion bisi topics cover korise — bilateral military technical cooperation opor te, aru civil aircraft manufacturing, metallurgy aru chemical industry nishena strategic sector bitor te joint projects laga progress review korise.
August 7 din, Manturov logot meeting age, NSA Doval Russian President Vladimir Putin aru Russia laga Security Council Secretary Sergey Shoigu logot alag alag meeting korise. August 8 din, Prime Minister Narendra Modi aru President Putin telephonic conversation korise, juntu te trade, economic aru investment cooperation opor te kotha hoise.
PM Modi call ke “bisi productive aru detailed” koi kena describe korise, Ukraine laga recent developments share kora karone President Putin ke dhonyobad dise. Tai X te likhise, “Amikhan bilateral agenda te progress review korise aru India-Russia Special aru Privileged Strategic Partnership ke aru deep kori bole reaffirm korise. Moi President Putin ke etu sal India te invite kori ase.”
Etu development India Russia para oil kine te tariff lagai thaka tensions majot ahi ase. Call te, President Putin Ukraine opor te update dise, aru duijon leader mili kena strategic partnership ke aru strong koribo koi kena commit korise. President Putin ke India te 23rd India-Russia Annual Summit nimite invite korise.
Add Comment