NSCN (K-YA) operative ke murai dishey

Longding, 27 October 2024: Security forces khan ekta NSCN (K-YA) operative, nam SS Major Gangjun Gangsa ke Friday din te murai dishey. Rajapio, Wakka Circle, Longding Distirct te hoishey. Friday din saam te, etka Assam Rifle (AR) patrol party aro NSCN (K-YA) operative khan Border Post 160 laka osor te Takara gun battle hoishey. Jaka toh pura jongol ase. Gangsa toh spot te murai dishey. Etu Hatsa toh ekta jongol jaka te hoishey aro 5 hours lageh theng pra jabo leh. Daily ke khota kura time te security officials pra koishey taikhan laka side pra toh kunbi jokom panai. Tadeh jaka pra ekta khali magazine, ekta Chinese made pistol etu lokot.32 laka 7 round, 4 detonators , 3 batteries aro duita fuses, etka strip smeared opium aro bag paishey. Security officer pra koishey. Deri hoi kina police team aro magistrate khan jaka te punchishey aro inquest kurishey. FIR register kurishey aro body laka postmortem kurishey. Body toh toh ghor manu khan ke di dishey last funeral nimite.