August 05, 2024: Itu ajikali laga ekta ghatna tey, Zunheboto tey ekta mota manu ke biya para mari diya laga tey, tatey NSCN (R) laga cadre khan bhi involve thaka laga janipai kena aru itu public khan bishi gusa hoi kena thaka nimitey, itu NSCN (R) para toh hoiley paachta member inquiry committee banaishey, itu case toh ki para asey janiboley karney.
Itu kotha toh press note ke inform kuri kena, NSCN (R) laga MIP para koishey ki, itu committee toh hoiley ekta free, fair aru impartial probe conduct kuriboley asey, eku prejudice nathaki kena aru tai khan ki jani pabo itu toh itu collective leader khan submit kuriboley asey koishey, 15 din laga homoi bhitor tey.
Itu toh hoiley ekta emergency meeting tey decide kurishey, tai khan laga president – Y Wangtin Naga para aru ato kilonser- P Tikhak para culai jai kena, Saturday tey. Itu meeting toh hoiley kilo kilonser – Kavishe Zhimomi para chair kurishey, kun para toh hoiley itu violence ke condemn kurishey, ki ki laga manner, naam, style aru form laga thakilebi koi kena, aru tai para stress kurishey ki, itu toh hoiley basic principal laga against tey asey, itu NSCN/ GPRN (R) laga.
Assert kuri kena koishey ki, ki-ki laga maaner laga violence thakishey koiley bhi itu toh accept nahobo, itu meeting toh hoiley underline kurishey ki, itu Naga society ke bishi healing, unity aru brotherhood lagi asey koi kena, itu nishina crucial homoi tey, assure kuri kena ki, NSCN/ GPRN (R) toh hoiley ki ki bhi kuribo, tai khan para tak, itu achieve kuriboley aru eneka nishina violence ke aru hoboley tey para rukhaboley.Public Footpath Tey, Il
Add Comment