November 13, 2023 : Nagaland State Commission for Women – Chairperson W. Nginyeih Konyak para tai khan laga members Kekhrienuo Meyase, Akokla Longchar aru Legal Consultant, Apila Sangtam logotey Longleng tey visit kurishey, November 9th , 10th , 2023 tey. Itu NSCW Officials para ekta meeting loishey, Phomla Hoichem logotey, alag alag issue laga opor tey.
Itu tem toh hoiley, Phomla Hoichem members aru EAC Sadar logotey mili kena, District Hospital visit kurishey aru medical officers aru nurses logotey interact kurishey aru ekta tour loishey, itu hospital phaley. Itu team toh hoiley itu Women Police Station aru Sakhi- One Stop Centre tey bhi visit kurishey, Longleng tey.
Itu visit laga homoi tey, alag alag challenges khan face kurishey, itu institutions para, women welfare aru protection laga regard tey, tai khan laga rightd toh hoiley discussed kurishey aru alag alag mechanisms lagi thaka kw address kuriboley, affected thaka maiki khan laga issue toh, violence aru substance abuse para affect thaka laga.
Konyak emphasize kurishey, aru bhi lagi thaka awareness toh, alag issue khan opor tey, cybercrime, domestic violence khan nishina aru ekta safe medium provide kuri kena, afflicted maiki khan nimitey. Tai para itu Phomla Hoichem (apex women organization of Phom) ke bhi encouraged kurishey, ekta active role play kuriboley continue rakhiboley, itu District Administration, Police aru alag line department logotey collaborate kuri kena, promote kuriboley aru protect kuriboley, maiki khan laga welfare aru empowerment nimitey.
Itu team toh hoiley officials aru maiki inmates khan logotey bhi visit kurishey, District Jail tey, Longleng laga. Konyak para aru bhi koishey, lagi thaka opor tey, rehabilitation service takot kuriboley aru itu district administration, police, aru Phomla Hoichem laga importance toh emphasize kuri kena aru tai khan laga collective effort toh, itu substance abuse laga menace toh tacle kuriboley, itu district tey.
Add Comment