NSDMA Laga Home Department Para Inform Kurishey

April 26, 2024 : Itu ajikali laga homoi tey, itu extreme weather laga event khan toh hoiley havoc banai di asey, itu State tey aru manu jeevan tey disrupt kuri di asey. Ekta belated report tey, kuntu toh hoiley NSDMA , Home Department para diya laga tey para janaishey ki, charta presiding officer khan, kun khan toh hoiley Sotokur GHS tey posting asey, tai khan wapas ahi thaka homoi tey, Tata Sumo para, Sotokur bosti tey, election duty kuria pichetey, Chassir aru Y, Anner village tey phasi kena thakishey. Itu Tata Sumo kuntu tey tai khan uthi kena travel kuri thakishey utu toh hoiley phasi jaishey, landslide/ mudslide hoa para. Tai khan itu para opoi nathaki kena theng para he birai kena tatey para jaboley laga hoi jaishey, next bosti tey punchiboley. Itu particular raasta toh hoiley pura puri block hoi kena asey, landslide khan/ mudslide khan hoi kena aru raasta laga ekta portion toh hoiley pura puri bhagai kena loi jaishey heavy pani gira para. Itu District Disaster Management Authority (DDMA), Shamator ke matishey tatey modod kuriboley, tatey mati khan gira khan hataboley aru olop homoi tey raasta toh repair kuriboley.