NSDMA Para Weather Laga Update Khan Issue Kurishey

April 26, 2024 : Itu Nagaland State Disaster Management Authority (NSDMA), Home Department para itu weather update khan issue kurishey, aha din khan nimitey. Tai khan para inform kurishey ki, itya monsoon homoi thaki kena aru prevail kuria weather condition logotey, heavy rainfall aru itu logotey lightning ahiboley laga expect kuri asey, aha din khan tey aru pre-monsoon activity toh hoiley shuru hoboley expect kuri asey, itu homoi tey. Thunderstorm aru lightning bishi jurr para hawa mara laga, 30 para 40 kmph tey toh hoiley hoboley nishina asey, itu Peren, Dimapur, Kohima, Phek, Wokha, Zunheboto, Kiphire, Mokokchung, Tuensang, Mon aru Longleng district khan tey, 26^th para 29^th April 2024 tak tey. Tai khan para state kurishey ki, itu toh hoiley important asey, lagi thaka precautionary measure khan toh loboley, itu homoi tey, aru caution toh exercise kuriboley lightning strike aru bishi hawa mara khan para, kuntu para toh hoiley disruption khan hobo parey, communication aru connectivity tey