April 30, 2025, 05:36 PM: Itu Nagaland State Disaster Management Authority (NSDMA) para toh hoiley aha din khan laga weather update khan issue kurishey.
Itu aha din khan tey, Nagaland tey toh hoiley halka para pani khan couldy moderate pani giri thakiboley asey itu sob district khan tey, 7th May, 2025 tak tey. Itu pani gira homoi tey thunderstorm hobo pari asey aru lightning khan bhi mariboley nishina asey, kunba jaga khan tey. Itu laga homoi tey, intermittent pani giriboley laga expect kuri asey, itu Nagaland state laga sob district khan tey. Eneka thakilebi, Peren district tey toh heavy para pani giriboley nishina asey, 07th May, 2025 tey. Itu nimitey light strike khan aru bishi jurr hawa mara tey para bachiboley lagi thaka measure khan loboley lagi asey itu khan homoi tey, kuntu para toh hoiley communication aru connectivity ke dikdari dibo parey.
Itu bishi risk khan thaki thaka para hill sector khan tey, Nagaland laga lowland phaney aru foothill district khan tey, Dimapur, Niuland, Chumoukedima, Bhandari, Baghty, Tizit, aru Tuli bhi milai kena, itu jaga khan tey pani khan bishi jama hoboley laga asey aru flash flood khan hoboley nishina asey.
Itu laga regard tey, NSDMA, Home Department para itu public ke urge kurishey, husiyar para thakiboley kiba kibi ghatna khan hoboley thaka tey para bachabo pariboley, itu homoi tey.
Add Comment