August 27, 2025, 06:44 PM: Itu Nagaland State Disaster Management Authority (NSDMA) para weather update issue kurishey, char din nimitey, 27th para 30th August, 2025 tak laga.
Nagaland tey thunderstorm aru lightning hoboley nishina asey, yatey halka aru olop-solop pani giriboley nishina asey kunba jaga khan tey, 30th August, 2025 tak tey. Itu Kohima, Longleng, Mokokchung, Mon, Peren, Phek, Shamator, Tseminyu, Tuensang aru Wokha district khan tey toh, eneka thakilebi 2.5 aru 7.6 mm nishina laga majetey pani giriboley asey, 30th August, 2025 tey. Itu nimitey, itu toh hoiley jaroori asey, lagi thaka measure khan loboley, itu homoi tey, yatey manu khan lightning stike khan aru hawa joor mara tey para bachiboley lagi asey, itu hoa para communication aru connectivity bhi biya kuridiboley nishina asey. Itu pahar laga sector khan tey, Nagaland laga lowland aru foothill district khan, Dimapur, Nuiland, Chumoukedima, Bhandari, Baghty, Tizit, aru Tuli bhi milai kena, itu pani bishi jama hoa laga aru flash flood khan face kuriboley nishina asey.
Add Comment