NSDMA para weather updates issue kuri shae

April 18, 2024: Nagaland State Disaster Management Authority (NSDMA) para aha din karne weather updates issue kuri shae. Nagaland, light para heavy rainfall experience kuri bole ase kuto fairly widespread hobo kui nah expect ase. Rainfall lokot deh alak pre-monsoon activities kan b ahi bo pareh, lightning, thunderstorm, aro squally hawa nihsi nah. Etu kan tho April 21^st 2024 tak hobo kui nah expect ase.

Etu time deh, partly cloudy moderate rainfall taki bo pareh, 19^th April para 23 April 2024 tak. Etu tho Chumoukedima, Dimapur, Jalukie, Noklak, Kohima, Mon, Peren, Phek, Shamator, Tseminyu aro Zunheboto laka district deh ahi bo pareh. Hoile b heavy rainfall kan tho Longleng, Mokokchung, Tuensang aro Wokha nishi nah districts kan deh hobo leh expect ase, 19^th para 23^rd April 2024 tak. Enaka time deh, state laka minimum aro maximum  temperature tho 15˚˚˚ C aro 41˚C majo deh taki bo.

Etu laka nam deh, NSDMA, Home Department para public kan keh caution exercise kuri bole urge kuri ase aro agae deh issue kura safety measures kan tho follow kuri b kui nah janai di ase. NSDMA para sob District Disaster Management Authorities aro alak line departments kan keh alert deh taki b kui nah request kuri ase, lives aro properties kan baja bo karne.

(DIPR)