NSF kan pora Governor’s Office juwab debole janaise

DIMAPUR, OCTOBER 7 : Naga Students’ Federation (NSF) pora Raj Bhavan kan Students’ Community ke October 2, 2018 te dhokhai diya karne khushi nabaa janaise. Etu karne aro tai kan NSF pora etu Governor laga Office kan juwab debole aro husa kotha janaidebole janaise.

Khobor hisabte NSF pora etu Governor’s Office pora sob Government Colleges kan Vice Chancellor, Nagaland University aro Director, Higher Education laga bitorte ekta Quiz Competition manabole kuribi koi kena janaise koise. Etubi “Life and Work of Mahatma Gandhi” laga kotha hisabte. Aro etu Quiz Competition te kun cheti etu kan ke Rs. 15,000 Ist Prize, Rs. 10,000 2^nd Prize aro Rs. 5000 3^rd Prize hisabte debo koi kena thakise. Etubi October 2, Mahatma Gandhi laga 150^th junum din naam pora Raj Bhavan, Kohima te.

Huilebi Students kan etu Quiz Competition te cheta kan toh khali Certificate hi baise. Aro poisa toh baa nai. Etu karne NSF kan ekdam khushi baa nai. Etu karne NSF kan pora etu Governor’s Office ke chulti pora etu chamala nemite thik kuridebole aro husa kotha janaidebole kuribi koi kena janai ase koise.