NSF Para Indigenous Representation Ke He ULB Polls Opor Tey Stress Kurishey

May 12, 2024 : Ekta significant statement tey, itu Naga Students Federation (NSF) para toh hoiley indigenous Naga khan ke participate kuriboley stress kurishey, kun khan by blood Naga asey ene adopt nahoi kena, itu ahi thaka ULB election karney, June 26 tey aru maiki khan laga candidate kun khan toh hoiley non- local ke shadi kuri kena asey tai khan ke exclude kuriboley koishey nahoiley eneka local – non local khan laga bacha khan ke. Ekta joint statement tey, NSF laga president – Medovi Rhi aru general secretary Chumben Khuvungpara itu same kotha he koishey ki, itu indigenous Naga manu sob laga interests aru aspiration khan ke safeguard kuri kena, itu toh hoiley imperative hoi jaishey, democratic landscape evolve hoi thaka para, Nagaland laga. “Itu toh hoiley moi khan opor tey he asey, decision – banaboley laga process khan tey toh,” itu student body para mili kena koishey. Itu federation para assert kurishey ki, ULBs laga recognition, instrumental platform hisap tey, local governance foster kuri kena aru development initiative khan drive kuri kena, urban area khan bhitor tey, itu toh hoiley central thakishey, tai khan laga advocacy karney. Eneka thakilebi, NSF para koishey ki, itu advocacy toh hoiley mere participation para bhi bishi wala asey, itu koi kena ki, itu toh hoiley itu “imperative of exclusive indigenous representation in these electoral contests,” underscore kurey. NSF para affirm kurishey ki, contestation toh itu upcoming Urban Local Body (ULB) election khan toh hoiley khali indigenous Naga manu khan nimitey he reserve thakiboley lagey, kuntu toh hoiley- ‘Naga hoboley lagey khun para, adoption para nahoi’. Aru bhi, NSF para itu bhi advocate kurishey, maiki khan kun toh hoiley non local ke shadi kuri kena asey tai khan aru tai khan laga bacha khan bhi itu election para exclude hoboley lagey, koi kena koishey. “Itu stance toh hoiley bhal para buhi kena bujiboley laga asey, itu intrinsic connection laga, governance, culture aru identity majetey, kuntu toh hoiley milai kena shape kuriboley asey, itu socio political landscape toh, Nagaland laga,” itu federation para koishey. Itu nimitey NSF para stakeholder khan ke urge kurishey, electoral authority khan aru citizen khan ke bhi milai kena, itu sanctity ke uphold kuriboley, indigenous representation laga.