October 19, 2023: October 18, 2023 deh Nagaland State Human Rights Commission (NSHRC) Chairman, Justice Songkhupchung Serto aro NSHRC member aro Secretary para official team ekta led kuri shae Bhandari Sub-Division deh. Alak alak welfare schemes kuto human rights, healthcare, education aro food security deh link ase, etu kan implement kuri ase nah nai etu kan sab oleh kuri ase.
Government Higher Secondary School Bhandari deh meeting lua time deh, Justice Serto para society deh teacher laka role deh kotha kuri shae. Students kan kuto life deh dangor kam achieve kureh, etu students kan keh nurture kura karne credit di shae teachers kan keh. “Society transform kuri bole teachers kan dangor ekta role play kureh,” tai para kui shae. aro students kan keh taikan laka studies deh focus kuri b kui shae.
GHSS Bhandari laka Vice-Principal, Bithunglo para warm welcome di nah program tho shuru hui shae. NSHRC team para Administration, Department of Civil Supplies aro local GBs kan lokot deh b engage kuri shae. Taikan local PHC Bhandari visit kuri shae aro alak alak facilities kan inspect kuri shae.
Etu laka agae deh NSHRC team para Liphayan, Ronsuyan, New Ralan aro Yimpha bosti visit kuri shae October 17, 2023 deh.
(IA Bhandari)
Circular kuto Department of Law and Justice para di shae Money Bill deh
October 19, 2023: Department of Law and Justice para circular ekta issue kuri shae Money Bill laka handling deh. Constitution of India deh taka Article 199(1) laka isap deh, etu following kan tho Money Bill ase kui deemed kuri nah ase:
Kushi tax laka imposition, abolition, remission, alteration nahoileh regulation.
Poisa baki lua laka regulation, State para dia guarantees nahoileh law amend kura laka kuto financial obligation lokot related ase
Consolidated Fund nahoi leh Contingency Fund of the State laka custody, etu funds laka deposit aro withdrawal lokot deh.
Consolidate Fund of the State para funds laka appropriation
Consolidated Fund of the State para funds kan withdraw kura nahoileh b increasing expenditure
Consolidated Fund of the State nahoileh public account of the State para funds laka receipt aro etu funds kan laka management aro issuance kan.
Kushi matter kan kuto etu above-listed subjects lokot incidental ase
Sob government departments kan Legislative Assembly deh Money Bill introduce nakura time deh, taikan Governor para rpior recommendation pavo lakeh kui nah instruct kuri ase. Except taxes reduce nahoi leh abolish kura laka kotha chari nah.
(DIPR)
Add Comment