March 01, 2025, 07:51 PM: Itu Nagaland State Human Rights Commission (NSHRC) para ekta awareness programme conduct kurishey, “Human Rights & Human Rights Commission laga Role, tai khan laga Aru-bhi Protection karney” Jubilee Hall tey, Atoizu laga. Itu event toh hoiley Justice Songkhupchung Serto, Chairperson, NSHRC para grace kurishey.
Justice Songkhupchung Serto para tai laga keynote speech tey, human right awareness laga importance aru itu commission laga role emphasize kurishey, manu khan nimitey justice ensure kuriboley karney. Itu event tey toh hoiley ekta interactive session thakishey, GBs, CSOs, aru key department khan laga official khan para – Medical, School Education, Social Welfare, aru Food & Civil Supply khan nishina.
Itu programme toh hoiley, Dr. Samuel Akho Konyak P, NCS, Extra Assistant Commissioner, Atoizu para chair kurishey, aru itu event toh hoiley ekta welcome address logotey shuru hoishey, Nukutulu S. Venuh, NCS, Additional Deputy Commissioner, Atoizu para, aru Pemei Konyak, NSS, Junior Section Officer, NSHRC para tatey jama kuria manu khan ke NSHRC laga role laga opor tey khata para samjhaishey, human right khan bachai kena rakhiboley, Nagaland tey.
Itu programme toh hoiley ekta vote of thanks logotey khotom hoishey, Kitoli Naje, Chairperson, Atoizu Town Council para, aru itu pichetey, Government High School, Public Health Centre aru Police Station, Atoizu tey field visit khan kurishey.
Add Comment