May 13, 2025, 05:08 PM: Ekta Press Conference tey, kuntu toh hoiley NSL para host kurishey, tai khan laga inaugural season laga success ke celebrate kurishey, 12th May, 2025 tey, Niathu Resort, Chumoukedima tey.
Itu press conference tey, tai khan para itu Nagaland Super League (NSL) toh hoiley ekta historic leap mark kuria laga highlight kurishey, football nimitey, itu state tey, Nagaland tey khotom kuri kena, ekta Special National Award jeeti kena, itu All-India Football Federation (AIFF) Awards 2024-25 tey. Successful para launch kuri kena, Nagaland laga premier profession football league hisap thaki kena, itu NSL toh hoiley duita major jaga khan tey para loishey, Chümoukedima Football Stadium aru Indira Gandhi Stadium, Kohima tey para. Tatey saatta (7) participate kuria laga team khan thaki kena, 45 match khan khili kena, aru 140 goal khan score kuri kena, ekta notun benchmark set kuri kena, football aru sports event management nimitey, itu state tey.
Nagaland Olympic Association laga Secretary General, India laga Athletics Federation laga Vice President aru NSL Governing Body laga Member – Abu Metha para state kurishey ki, itu NSL 2024-25 toh hoiley ekta bishi bhal success thakishey, itu alag notun level laga response aru support thaki kena, itu sob section khan para pawa laga, expect kuria para bhi bishi wala.
Metha para report kurishey ki, itu final match tey ekta 53 thousand laga live audience khan para saboley parishey aru 5 lakh para bhi bishi para saishey, 7 million para bhi bishi impression thakishey, facebook tey aru ticket bikawa para revenue generate hoa toh 60 Lakh thakishey.
Add Comment