DIMAPUR, NOVEMBER 14 : 14th November 2018 te Nagaland State Legal Services Authorities kan “Children;s Day” manaise. Etubi Placard Rallies kan Legal Literacy Club members kan pora thuri berai kena. Etubi NSLSA Child Friendly Legal Services to Children aro Protection Scheme, 2018 kan logot eke pora melekena.
Etu nesena ami kan States sob laga District Legal Services Authority kan neju-neju districts te manai kena thakise. Kiphire te etu Children’s Day toh Govt. Middle School Station B. te manaise. Wokha, Dimapur, Zunheboto, Kohima, Phek, Peren aro Tuensang te toh District Legal Services Authorities kan Rally cum Placard Competition manai kena thakise. Mon District te toh District Authorities kan Children’s Day toh Faith Fellowship Orphanage Home logot eke pora manaise. Mokokchung Children’s Day toh Placard Competition manai kena thakise. Aro Longleng District te toh Longleng District Authorities kan Children’s Day mana toh Phom Lemphong Hostel Mission Centre logot eke pora manaise koise.
Add Comment