Nagaland Secretariat Service (NSS) laga tin-ta Secretaries aro tusara 15 cadre member officers logode farewell programme toh Secretariat conference hall, Kohima jaga deh 24th April 2019 deh dese. 2019 deh superannuation deh thakibole laga ekta ke chari kena besi phak sob officers khan toh 35 sal service kothom hoi kena retire kuribole khan ase. Besi phak officers khan toh April moina para retire hobole khan ase aro konbh toh olob moina bechide retire hobole khan ase. Olob moina deh retire hobole khan ke promotions be debo nesana ase.
Retire officers khan nemide kotha kora Secretary for Veterinary & AH para tai aro tai laga colleagues logode Isor para ashirbad deya nemide thanks janaideya thakishe. 1984 sal laga NSS batch khan toh 35 sal service phal para kothom hoise hoilebi konbah khan toh phal para kothom kuribole napara khan be ase.
Secretary para NSSA logode farewell programme organize kora nemide kushi powah kotha janaideya thakishe aro tai para be phal neom opor deh mon choise koishe. Tai para be NSSA logode tai khan laga concern aro effort deya nemide thanks janaideya thakishe aro P&AR Department para be March 2019 deh tinta post Secretary nemide aro jarta post Additional Secretary ola para pension benefits deh dangor bonus paishe koishe.
Joint Secretary, Amenla Sashi para be NSS members side para kotha kori kena outgoing officers khan logode congratulate kora thakishe aro tai khan logodebe good luck wish kora thakishe.
Outgoing officers khan logode memento aro certificate deya thakishe. Programme deh Vice President of NSSA Kito Swu toh chair thakishe. President of NSSA Johnny Humtsoe para welcome address kora thakishe aro 1993 batch women group para special number present kora thakishe.
Add Comment