Jowah kali Expo Hall, 4th Mile, Dimapur Nagaland deh lamba din National SC-ST Hub (NSSH) State meeting toh Forum of SC aro ST Legislators Parliamentarians logode lowah thakise.
Meeting time deh special guest, Nagaland Advisor for Industries and Commerce, Imnatiba para meeting laga kaam laga kotha kowah thakise. Tai para organisers khan toh Nagaland context deh buchibo lagi koise. Kelay koile Prime Minister Narendra Modi para design kora programme toh olabo karni. Tai para Sate deh dekthari pai thaga opor deh kowah toh, tusara North Eastern states logode pai thaga nesana Nagaland logode toh napabo pari koise. Tai para officials khan logode programme bona time deh phal para saijai kena bonabole koise. Imnatiba para be jawan entrepreneurs logode lagi thaga goal jetibo karni support debole janaideya thakise. Event time deh special guest logode tusara dignitaries para Directory of MSMEs ola thakise.
Commissioner Secretary, Industries & Commerce, Lithrongla Chishi para entrepreneurs logode mon dekena kaam kuribole koise aro paribo karni dhanda demand para kaam kuribole koise. Tai para ek-rati dehe manu khan toh najeti koise. Tai para Nagas khan creativity komti nathaga toh nahoi koise. Ami khan toh jonom time para talent ase, etu karni talent toh thek para jolabe koise. Tai para kaam toh quality laga koribe koise aro customer friendly attitude toh thakibo lagi koise.
Chairman, MARCOFED para be jama howah khan logode Nagaland deh herbs aro bamboo besi powah laga kotha korise. Tai para kowah toh, Government of India para besi facilities toh dekena ase. Hoilebe ami khan toh sosta poisa aro financial motob powah ke besari. Tai para society putli hobo karni manu laga bhabona toh putli hobo lagi koise.
National Working President, Forum of SC aro ST Legislators Parliamentarians aro Director General, Dr. Ambedkar Chamber of Commerce, Inder Iqbal Singh Atwal para kowah toh, programme toh NSSH para State Government logode kenaga melikena ground level tak kaam kori, etu deh aim ase.
Zonal General Manager, NSIC, North East, Dr. Avinash Chaudhary para welcome kotha janaideya thakise aro Branch Manager, NSIC- NSSHO, Guwahati, Peter Thawngneihchina para inaugural session time deh vote of thanks janideya thakise.
Add Comment