Dimapur, November 29: Nagaland State Social Welfare Board, Mahila Shakti Kendra Kohima para Chedema village deh paper bag bona laga skill development training loise. Etu training toh November 29 direk deh loise. Training toh recycle papers jola kena loise. Etu toh hoile plastic products para dekthari paowah opor deh hosiyar janaideya aro environment friendly packaging promote kuribole nemide ase.
Training deh alak alak SHG groups laga 11 SHG members ahishe. Four State board officials laga team ke Women Welfare Officer Neipechau Mepfhuo para lead korikena training loise. Tai para programmed eh olob kotha kora thakise aro tai para be women empowerment opor deh olob kaam laga kotha kowah thakise.
Programme nemide trainers toh NAGC coordinators Vilakhonuo Kiewhuo, Manlee Manpuhro aro Khriezotuolie Chase ase.
Add Comment