Lumami, 22 May 2025: Nagaland University celebrate korishe International Day for Biodiversity May 22, 2025 Lumami te, etu laga theme thakishe “Harmony with Nature and Sustainable Development.” Etu program organize korishe Centre for Biodiversity Studies aru Department of Botany milikena. Program suru korishe Dr. Neizo Puro laga welcome speech pora.
Prof. C.R. Deb, juntu School of Sciences laga Dean aru Biodiversity Committee laga Chairman ase, tai ekta katha kotha koishe juntu te tai koi dishe ki biological resources sustainable hobo laga, aru eneka use koribo lage jate biodiversity ke harm nakore. Tai students aru scholars ke encourage korishe jate research korile sustainable resource use upor te, society laga need fulfill koribo pare. Tai etu bhi emphasize korishe ki natural resources use koribo laga approach ke government policies laga line te adapt koribo lage, aru pollution komabole aru to pura bond koribo lage.
Chief Guest Prof. J.K. Patnaik, Vice-Chancellor of Nagaland University, tai bhi ekta speech dishe junte tai koi dishe ki Nagaland te bishi biodiversity ase aru around 75% forest cover ase. Tai bujhaishe ki International Day of Biodiversity laga main objective ase ki, manu nature logot harmony te thakibo lage aru biological resources ke sustainably use koribo lage. Tai bhi koi dishe ki bhal para educated thaka manu bhi bhal pora environment laga responsibility nai loe, jabole rural manu to bishi care kore biodiversity ke. Tai remind korishe ki educated citizens bhal role play koribo paribo jodi tai active hoi biodiversity conservation te.
Theme Speaker Dr. Sentitula, IFS, DFO Mokokchung, tai speech te koi dishe ki “Harmony with Nature and Sustainable Development” to individual responsibility pora start hoi. Tai mention korishe ki amikhan laka ancestors to naturally etu concept practice korishe tai laga way of life te. Tai bujhaishe ki nature logot harmony te jibon thaka to ekta slogan nohoi, kintu amikhan laga culture aru tradition te ase. Tai bhi stress korishe ki nature ke respect koribo lage, biological resources ke sustainably use koribo lage, environment logot coexist koribo lage, aru reduce, reuse, recycle laga principles follow koribo lage. Tai present-day challenges bhi mention korishe, especially deforestation aru monoculture practices pora biodiversity ke kiman damage korishe. Tai highlight korishe ki Nagaland Forest Management Programme (NFMP–JICA) juntu JICA (Japan International Cooperation Agency) laga support te forest department chulai ase, etu program laga aim ase degraded forest ke restore koribole.
Dr. Sentitula last te ekta appeal korishe ki Forest Department, local communities aru research scholars milikina ek logot kaam korikina jaile sustainable development laga goal achieve koribo pare.
Add Comment