Kohima, 11 July: Governor of Nagaland and Chief Rector Nagaland University, Shri PB Acharya koise, Nagaland toh khali State laga manu khan para he gara kuribole paribo. Tai para Nagaland othabo nemide Universities ke pro active role play kuribole koise. Governor Acharya toh Nagaland University, Kohima Campus, Meriema jaga deh gratitude programme 11th July 2019 deh lowah time deh kotha kori thakishe.
Governor toh NU laga teaching staff khan ke tai laga kaam opor deh kushi powah janaideya thakishe. Tai para tai khan ke Nation dangor kuribo nemide nejor laga duty toh kori thakibole koise. Skill courses opor deh tai koise, student khan ketiya University para pahar olai tai khan nejor khara hobole para laga hobo lagi koise.
Governor koise, kon jobs opor deh bhabona kori etu bhabona toh putli kuribo lagi. Government sector toh full hoise etu para student khan nejor para khara kuribole aro entrepreneurs hobole koise.
Vice Chancellor NU, Prof Pradeshi Lal para tai laga address deh Governor Acharya ke thanks janaishe. Kelay koile tai para par par mon dangor kori thaga aro University laga progress nemide dukh kori thaga nemide.
Short speeches toh Pro Vice Chancellor, Kohima Campus aro Prof Rosemary Dzuvichu para deya thakishe. Vote of thanks Registrar, NU para deshe.
Add Comment