Nuklutoshi para NLTP Act, 1989 ke, ‘Total Failure’ asey koishey

September 01, 2024: NPP laga MLA Nuklutoshi para NLTP laga Act, 1989 toh ‘Total Failure’ asey koishey, tai para assert kurishey, itu toh hoiley aru bhi problem khan ulaidishey, itu state nimitey. Tai para koishey Nagaland toh hoiley “Sob para bhiji kena thaka laga dry state” asey koi kena. Itu state tey dry law thaka toh hoiley illegal spurious bootlegger drug menace khan breed kuria toh he bishi kuridishey, tai para koishey. Tai para koishey, ‘itu Act para toh hoiley eku positive change khan ana nai itu state tey’. Misa mishi para Isor ke fool nakuriboley lagey, “Namuria tak fasting” loboley laga koi kena, Nuklutoshi para koishey. Prohibition laga Act toh hoiley moi khan  laga manu khan bhal kuriboley para toh ulta biya he kuri asey. Itu jawa 30 saal tak tey, adulterate & spurious liquor toh hoiley manu muria he hoi asey, lakh lakh laga, itu state laga. Bishi youth khan toh hoiley drug khan khawa shuru hoishey, kiley tai khan eman daam laga mudu khan kiniboley napara nimitey. Itu Act toh hoiley 30 saal para bishi hoa pichetey bhi itu laga ki purpose asey utu serve kuriboley naparey, itu nimitey itu toh hoiley eku positive change khan aniboley naparibo future tey bhi, tai para koishey. Church khan toh hoiley tai khan laga teach kuria toh scripture laga base tey shikhaboley lagey, manu khan laga religion khan & cultural belief khan logotey compare nakuri kena, Nuklutoshi para koishey.