Assam, May 20: Ekta 10-year-old bacha ekta biyaba acid para juli jaishey. Morigaon District laga Dolong Ghat Model Hospital deh bacha toh dressing kura time deh antiseptic laga badli, acid use kuridishey. Etu incident para formal police complaint kuriwoley olaishey.
Monday deh Abdul Ilham Rahman, ekta Jajari Muslim village laga resident toh hospital ekta deh admit huina takishey, matha aro haat laga injuries logot. Family kan kwa laga hisab deh, ekta nurse para galti deh acid dalidishey Abdul laga jokomkan deh dressing kura time deh. Tai laga family para koishey ki jitya taikan para treatment laga opor deh protest kuriwoley try kurishey titya hospital staff kan para taikan ke threatened kurishey.
Abdul ke Nagaon laga ekta private hospital deh rush kurina loijaishey, tadey doctor kan para tai laga injuries kan deh acid laga presence confirm kurishey. Etu shocking incident para concern kan raise kurishey patient laga safety aro public hospital kan deh quality of care karney.
Abdul laga family kan para First Information Report (FIR) lodged kurishey local police logot deh, aro etu incident opor deh thorough investigation kuriwoley demand kurishey. Taikan para etu mishap karney accountability bisari ase aro enaga error kan future deh nuhubu karney assurance mangi ase.
Etu case para medical negligence laga issue toh highlight kurishey aro region deh underprivileged patients kan laga opor deh bi light dalishey. Etu incident para healthcare standards kan karney aro bhaal para training aro thik supervision thakiwo lagey koina janai di ase.
Add Comment