Andhra Pradesh, January 22,2024: Y S Sharmila koto YSR Congress laka party president aru chief minister Y S Jagan Mohan Reddy laka bhoini ase tai Andhra Pradesh laka nuton Congress President hoishae Sunday laka din dhe.
Sunday dhe tai Andhra Pradesh Congress Committee (APCC) laka nuton president laka charge lua biche dhe Y S Sharmila koto YSR Congress laka party president aru chief minister Y S Jagan Mohan Reddy laka bhoini ase tai para pura state bitor dhe tour ektaa jaboli announce kurishae sob manu lokot tai jaboli aru party laka network dhe strength diboli.
Monday dhe APCC para schedule ekta announce kura biche dhe Sharmila para tai laka tour dho Itchapuram para shuru kuribo Srikakulam laak district dhe Odisha laka border dhe Tuesday deh aru tai etu ki Kadapa laka district laka Idupulapaya dhe kotom kuribo January 31 dhe.
Tai tuida nahoili deenda district dhe hotai tour kuribo arunine days dhe tai 25 district dho pura cover kuribo. Tuesday dhe tai Srikakulam, Partvathipuram Manyam aru Vizianagaram laka district ki cover kuribo. January 24 dhe tai Visakhapatnam, Alluri Sitaramaraju, Anakapalli laka district ki visit kuribo etu biche dhe Kakinada, Dr. BR Ambedkar Konaseema aru West Godavari laka district dhe January 25 laka din dhe jabo.
Sgarmila dho East Godavari aru Eluru aru NTR laka district ki tour kuribo January 26 laka din dhe koot biche dhe Krishna, Guntur aru Palnadu laka district dhe tour kuribo January 27 laka din dhe aru January 28 deh tai Bapatla, Prakasa, Potti Sriramulu Nellore laka district laka tour kuribo. Tai Tirupati , Chittoot, annamaya laka district jabo January 29 dhe aru etu biche dhe dhe tai Sri Sathya Sai, Ananthapuram , Kurnool laka district jabo January 30 dhe aru tai January 31 dhe Nandyala aru Kadapa laka district tour kuribo. Manu kan lokot interact kura dho charikina Sharmila para party laka situation dho review kuribo sob district dhe aru party laka cadre ki activate kuribo aru important congress leaders kan ki attract kuribo koto kan party para dur taki ase 10 years kurne aru party dhe wapas anibo enika senior congress laka leader koto development dhe familiar ase tai para koishae.
Sunday dhe Mangalagiir MLA Alla Ramakrishna Reddy koot YSR Congress party para December mohina dhe resign kurishae tai Congress join kurishae. Aru YSRCP MLA Rayadurgam para Anantapur laka district para Kapu Ramachandra Reddy koto APCC laka former president N Raghuveera Reddy ki lok paishae tai ki bhi Congress party ki join kuriboli expect kuri ase enika party leader ekta koishae.
Add Comment