New Delhi, February 23 : Rakul Preet Singh aro Jackky Bhagnani, kun etu hapta first fale Goa te shaddi hoisey, taikhan tu Friday afternoon te Mumbai te wapas ahisey. Etu nutun shaddi huwa mota-maiki ke Friday afternoon te Mumbai laga private airport te photo khichisey. Rakul Preet Singh tu ekta yellow dress te dhoop laga ekta kiran nisna dikhi thakisey. Aro Jackky Bhagnani tu ekta pastel kurta-pajama set logotey taikey match kurisey. Etu mota-maiki tu khusi para photo nimitey pose kurisey aro photo lobole nimitey rukhi thaka paparazzi(famous manu khan laga photo khicha manu khan) ke mithai bhak kurisey.
Etu mota maiki laga dangor shaddi tu Goa te taikhan laga parivar aro film industry laga sathi khan lagag mojudgi te hoisey. Taikhan laga shaddi tu Wednesday rati te hoisey.
Rakul Preet Singh aro Jackky Bhagnani para suru te etu shaddi tu dusra desh te host kuribole plan kurisiley. Hoilebi, taikhan para picheyte taikhan laga wedding venue tu Goa te bodli kuridisey. Taikhan duijun para taikhan laga relationship tu 2021 te ekta instagram post te public kurisey.
Add Comment