May 17, 2026, 1:40 PM: National Dengue Day observe kurishey, May 16 tey, public awareness diboley aru Dengue para bukhar hoa toh control kuriboley aru rukhaboley, iu monsoon season nahoa agetey. Aru itu 16th May, 2026 tey, itu District Health Society Longleng para NVBDCP Longleng logotey collaborate kuri kena itu event loishey, itu “Community Participation in Dengue Control: Check, Clean aru Cover” theme under tey, itu NVBDCP , Health & Family Welfare, Nagaland laga Director laga guidance under tey.
Alaga lag guidance khan kuri jaishey, Longlend District bhitor tey, itu sob Health Unit khan tey, District Hospital (DH) Longleng, Health & Wellness Centres aru Sub- Centres bhi milai kena, kotey active participation thaka laga dikhipaishey, saaf safai aru sanitation drive khan tey, health institution khan, colony aru public area laga aas paas tey, mosquito breeding khotom kiboley, pani jama hoi kena thaka container khan aru waste saman khan khotom kuriboley.
Dengue prevention aru control opor tey awareness programme khan bhi conduct kurishey, school aru community khan tey, health worker khan aru NVBDCP staff para. Student khan aru community member khan ke itu bimar opor tey educate kurishey, Dengue laga sign aru symptom, source reduction, saaf safai maintain kuria laga aru personal protective measure khan laga importance janaishey – mosquito net khan chulaboley lagi thaka laga, full sleeve kapra lagobley aru aas paas jaga khan safa rakhiboley laga.
