New Zealand, 24 February 2025: New Zealand laka commerce mnister Andrew Bayly toh government minister hoi kina resigned kuri shey tai staff member laka upper arm te haat laga pichideh last week, etu ke tai ‘overbearing’ behaviour ase koina described kuri shey. Bayly pra Monday din te koishey tai bishi sorry lagi ase etu incident opor te, etu ke tai argument nahoi kina ‘animated discussion’ koin described kuri shey. Tai echa b parliament laka member ase. Taike last October te winery kam kura manu ke ‘loser’ mati shey etu hoi kina taila resignation ahishey. Tai pichideh public apology issued kuri shey. Bayly pra statement te koishey resignation announced kura time te, Tuikhan bishi jun jani thakibo, Moi rukhibo napareh change drive kuribo leh moila ministerial portfolios te. Last week moi animated discussion thaki shey staff member lokot kam nimite. Moi discussion toh over loi jaishey aro moila haat toh taila upper haat rakhi dishey kun toh bhal nahoi.
Tai koishey complaint kuri shey hoileh b aro nakubo eku hoishey etu toh aro nakubo. Bayly last Friday din te resigned kuri shey, New Zealand Prime minister Christopher Luxon olop deri hoi kina press conference rakhi shey, aro koishey incident toh tin din agae te hoishey 18 February te. Luxon pra Monday din te koishey government etu jhamala toh week laka bitor te handle kura toh bishi fast thaki shey aro kushi paishey. Tai deny kuri shey tai Bayly ke huti leh bhal thaki shey nami jabo leh October laka winery incident hwa pichideh, aro koishey ‘never say never’ kicha taike huti shey rasta ase nanai 63 saal toh wapas alak cabinet position te ahibo paribo nanai.
Add Comment