BHUBANESWAR, NOVEMBER 2 : 1 moina lamba pora Awareness Campaign toh mica aro plastic julabole kura (use) ke khilaf kurikena najulabole karne manai kena thakise. Etu bejete Odisha Sorkar kan pora etu mica aro plastics kan tai kan state laga 6 Cities te julabole kura toh baan kuridese koise.
Environment Director-cum-Special Secretary, K Murugesan pora koa hisabte State Sorkar pora etu 6 Cities te mica aro plastic julabole kura ke ekdam husir laga kotha janai kena ase. Etu ke Local Authorities kan ke etu mica aro plastics kan toh julabole nakuribi aro tai kan state sorkar pora ki koi ase etu ke manibole kuribi koi kena janaise koise.
Nahuile kun-kun etu kotha ke khilaf kurikena julabole kuri etu khor manu kan Rs. 200, 500 aro 1000 debole lagi. Etubi 1st, 2nd aro 3rd hisabte kalti kura kan nemite. Etu esena dhukan malik kan ke toh Rs. 500, ahkete kalti kurise koile mangebo, 2 bar wala kalti kura kan ke toh Rs. 1000 mangebo aro 3 bar wala kalti kurise koile Rs. 2000 mangebo koi kena janaise. Restaurant kan kalti kurile toh Rs. 1000, 2000 aro 5000 mangebo. Hotels kan kobi Star Category kan bi melekena thaka kan ke toh Rs. 2000, 10000 aro 50000 mangebo. Aro Industrial aro Commercial Establishments kan kalti kurile toh Rs. 2000 pora 50000 hisabte mangebo koi kena khobor hisabte pora janaise.
Add Comment