October 04,2020: Joda town Odisha’s Keonjhar district te ekta Class VIII student Saturday din te tai laga ama baba khan para tai ke bishi ghonta online games te poisa pheka nimete dhamki diya nimete nijor ke phasi lagaikena murishe.sources kuwa hisaab te etu student laga ama baba para bacha ke mobile phone dishe online study purpose nimete Covid-19 lockdown period te.
Hoilebi tai laga samay toh bishibak online game ‘Free Fire’ tai laga mobile logote kheli thakishe.
Olop din akhe tai komti hoilebi Rs 96,000 harishe etu te Rs 61,000 tai laga baba laga account aro Rs 35,000 tai laga ama laga account para etu game khela samay te harishe.
Tai laga baba para bank te hudah hudeh kura samay te bank authorities para koishe etu poisa toh tai laga account para katishe online games khela nimete tai laga mobile para.
Tai laga bacha laga act para ghussa uthikena Binod para tai ke gali diseh .etu te jawab dikena etu chotu bacha para nijor ke phasi lagaishe toilet bithor te.
Etu ghor manu khan para etu mota ke bachaishe aro osorte thaka hospital te luijaishe kuntu te tai murishe koiken a janaishe.
Etu mota laga baba Binod koishe “ami khan para tai ke mobile dishe study purpose nimete.hoilebi tai etu toh bishibak online games kheli thakishe.etu te ami khan komti hoilebi ami khan laga account para Rs 1 lakh harishe .ami khan etu toh janishe bank para aro etu uporte kotha kurishe. Tai ghussa uthikena nijor ke muraidishe.”
Joda Police state te unnatural death case register kurishe.
Add Comment