Odisha Police Transgenders nemite sub-inspectors & constables post olaishe

June 15, 2021. Odisha Police para the transgender khan nemite sub-inspectors aro constables laga posts mangkishe. Odisha Police Recruitment Board para maiki aro motha melaikena 477 sub-inspectors posts aro 244 constables (communication) posts nemite online applications invited korishe koishe. Odisha Police laga recruitment portal toh June 22 daik te kulibo aro July 15 darik te bondh koriboli janaishe. Media khobor hesab te Odisha director general of police Abhay para koishe ke, motha aro maiki kaun khan Odisha Police te constables (communication) aro Sis nemite State laga manuh ke serve koriboli mon ase qualified manuh logot invited korishe. Tai para koishe ke, etu 1^st samai ase ke transgender category manuh logot tuita(2) SI aro constable posts te apply koriboli janaishe. Odisha DGP para koishe, sub-inspectors nemite main police cadre te posted thakibo aro constable (communications) post toh technical cadre hesab thakibo. Odisha Police laga notification hesab te, differently-abled manuh khan toh etu posts te apply koriboli naparibo. Notification para janaishe ke, “Transgender candidates PWD (Persons with Disabilities) khan para apply koriboli naparibo.” Dub-inspectors posts nemite minimum qualification toh graduation thkiboli lage aro constable (communication) post nemite candidates toh Higher Secondary (10+2) nahoile Council of Higher Secondary Education, Odisha aro dosura Board nahoile Council para recognized thaka candidates hoboli lage koishe. Etu oper te constable (communication) post nemite candidates khan toh diploma in Computer Application nahoile government logot affiliated thaka recognised institution para hoboli lage. Candidates (constable) khan para Odia kotha lekiboli aro puriboli pariboli lage aro the HSLC examination te Odia subjects te passed thakiboli lage. Khobor hesab te, olop din akhe Odisha government para transgenders khan ke jail warders nemite recruit koriboli fesla loikena ase hoilebi itya dak etu laga notification toh junaikena nai koishe.