Odisha state laga 9 Districts te shukka (Drought)

BHUBANESWAR, NOVEMBER 1 : Thursday din Odisha Sorkar pora tai kan state laga 9 ta District toh shuki jai (Drought) ase koi kena janaise. Etu 9 ta Districts kan toh Baragarh, Bolangir, Deogarh, Jharsuguda, Kalahandi, Nabarangpur, Nuapada, Sambalpur, Sundaragarh kan ase. Aro etu jaka sob melekena 23,3173 hectares mati jaka ase koise. Aro etu shukijaa chamala pora kheti kam kura kan ke saman kan ula toh 33 percent pora sob nahua kuridese aro loss hua huise koi kena, Special Relief Commissioner’s Office pora khoborte janaise. Etu nahua chamala karne State Drought Monitoring Cell (SDMC) kan thik pora hisab kurikena saidebole kuri ase. Aro etu chamala kan nemite ki-ki janibole kuri ase koise.