Odisha te July 1 dak Partial Lockdown

Bhubaneswar (Odisha): COVID-19 cases besi othi-jai thaka nemite Odisha government para aro partial lockdown toh state te July 1 darik 5 AM dak thakiboli fesla korishe. Chief Secretary Suresh Chandra Mahapatra para janaishe ke, essential saman dukan toh state laga southern aro western jaga te 6 AM para 5 PM dak positive rate 5 per cent para komti thaka jaga te koliboli janaishe. 13 coastal districts aro district kaut te positive rate besi ase etu jaga te essential saman dukan 6 AM para 1 PM dak kuliboli koishe. Bahar te dukan kora toh be 7 districts pithor te positive rate 5 per cent neji te thaka jaga te saman loikena jaboli paribo koishe. Essential services, transportation of goods, industrial activities aro construction activities toh be kola thakibo, hoilebi public bus service toh bondh thakibo. Marriage, cremation, meetings, social gatherings aro temple toh bondh thakibo. Mr Mahapatra para aro koishe ke, parks aro gyms toh be bondh koribo, hoilebi morning walks aro jogging kora manuh nemite kula ase koishe. Milk farmers khan laga jevan bapana te, government para sweet dukan toh koliboli fesla korishe. Hoilebi etu dukan malik khan para packing korikena thibo, koikena Mr Mahapatra para janaishe. Automobile repairs aro cycle dukan toh kolibo. Mr Mahapatra para aro koishe ke, state te essential goods dukan toh Monday para Friday din te ekla kula thakibo aro weekend samai state te bondh thakibo. Vaccinations loboli khan nemite eku restrictions nai aro COVID testing aro health care services toh peraboli paribo. Southern aro Western jaga te 5 per cent neji positive rate thaka toh- Sundergarh, Jharsuguda, Bargarh, Sambalpur, Devgarh, Kalahandi, Balangir, Nuapada, Subarnapur, Ganjam, Gajapati, Kandhamal, Boud, Koraput, Nabarangpur, Malkangiri aro Rayagada te hoikena ase. Aro districts kaut te 5 percent oper positive rate thaka jaga toh Khordha, Puri, Nayagarh, Cuttack, Kendrapada, Jagatsinghpur, Jajpur, Anugul, Dhenkanal, Baleshwar, Bhadrak, Mayurbhanj aro Kendujhar districts te ase koikena janaishe.