Odyssey First Poster Leak Hoishe

US, 29 June 2025: Christopher Nolan laka aibole film The Odyssey laka first poster online te leak hoishe. Film laka release tu aru ekta sal pora olop baki ase, kintu promotion to chup-chap start hoi jaishe. Poster to US te AMC theatre te first dekhaishe aru bhal quality te Internet te bhi ai jaishe. Poster to simple hoilebe powerful ase. Film laka title to bold letter te middle te likhi kina ase, Nolan laka naam niche te ase. Tagline to ase: “Shot entirely with IMAX film cameras.” Etu ekta dangor achievement, karon The Odyssey to first film ase juntu pura IMAX cameras te shoot korishe, etu ekta bishi expensive aru difficult process ase. Release date, July 17, 2026 laka thik upor te likha ase: “Defy the Gods.” – etu film laka main theme. Poster laka design to bishi simple ase. Text to light blue aru red color te, black background upor te likha ase. Poster te ekta image ase – ekta ancient Greek god laka statue neck pora katise, aru smoke aru spark uthti ase. Etu poster directly film laka theme – god khan ke challenge kora – logot milai ase. The Odyssey to Homer laka famous epic story upor base kora ase. Etu story te Odysseus, Ithaca laka raja, Trojan war khotom hoi kina wapas dangor journey laka koi ase. Matt Damon Odysseus role te act koribo, aru Tom Holland Odysseus laka  Telemachus role te ase. Film te Anne Hathaway, Zendaya, Lupita Nyong’o, Robert Pattinson, Charlize Theron aru bishi actor bhi ase.