December 20, 2025: Ekta Air India Express laga pilot para ekta passenger ke mare she koishe, Delhi Airport te, Friday te. Airline khan para pilot ke suspend kure deshe koishe.
Passenger para social media te etu jamala laga share kureshe, aro photo te tai laga face toh khun lage kena thakeshe. Tai pilot laga photo be hale she tai laga post te. Delhi police para koishe ki etu jamala tog Ankit Dewan nahoile wei airlines khan para report kurei nai koishe. Police khan para koishe ki social media para he etu jamala toh janebole pareshe. Tai khan Ankit laga hath para leke kena complaint paishe koile toh, tai khan legal action lobo koishe. @ankitdewan account para X te koishe ki Air India Express pilot para airport laga Terminal- 1 te tai ke mare she koishe, December 19, 2025 te.
Ekta statement te paishe ki airline khan etu jamala laga khobor janei ase, Delhi airport te ho laga. Tai khan laga ekta employee kun utu passenger logo te travel kure thakeshe, tai logo te Jakara olai she koishe. Tai khan etu behaviour toh condemn kureshe. Aro employee ke tai laga official duties para olai deshe koishe. Passenger laga nam toh Ankit Dewan ase koishe aro tai toh tai laga bacha logo te thakeshe koishe. Pilot laga nam toh Virendra Sejwal ase koishe.
Add Comment