January 15, 2026: Thursday, January 15, 2026 te, oil laga dam toh gere she, U.S President Donald Trump para Iran laga olop khota ko piche.
West Texas Intermediate toh 3% gere she, aro ekta oil laga drum toh $60.16 te name she, aro Brent crude toh 2.93% gere she, aro dam toh $64.57 thake she. Trump para koishe ki, Iran te protestors mora toh rokhai deshe. Etu khota tai para ko karne oil laga dam toh gere jai she koishe.
White House te, U.S. President para aro koi she ki, tai rukhe kena sabo, military action laga dham ke toh. Tai koi she ki mora khan toh rokhai de she aro execution khan toh etia toh nahobo, tai koi she ki, aji beshe manu mora bole thake she, hoile be etu mora toh rokhai de she.
Beshe din karne Mr. Trump toh Iranian manu khan ke modok kure bo koine, protest kurea manu khan ke mora karne. Rights group khan para koi she ki protest kurea karne 3,428 manu ke morai deshe.
Oil laga supply laga mamla toh bea hoi jabo parea karne Wednesday te oil laga dam toh 1.5% uthe jai she.
Analyst Michael Wun, MUFG laga financial group para koi she ki, Iran toh dunia laga 3% oil banai.
Add Comment