Oil tanker capsize hua piche deh itia b 13 Indians hari nah ase

July 17, 2024: Ekta Comoros-flagged oil tanker laka 16 crew, kuto Oman  laka coast deh capsize hui shae, taikan itia b hari nah ase, country laka maritime security centre para Tuesday din deh kui shae. Prestige Falcon laka crew deh 13 Indian nationals aro teentha Sri Lankans taki shae, Omani centre para X laka ekta post deh kui shae. Centre para Reuters keh, vessel tho itia b invert hui nah pani laka pitor deh ase kui shae. Taikan para vessel tho stablished hui nah ase nah nai aro oil products kan sea deh leak hui ase nah nai, etu tho confirm kura nai. LSEG para dika shipping data isap deh, tanker tho Aden laka Yemeni port deh jai taki shae aro Oman laka major industrial port deh capsize hui jai shae. Vessel tho 117metre lamba oil products tanker ase, kuto 2007 sal deh banai shae. Enaka nishi nah chutu tanks kan tho short coastal voyages karne chulai. Omani authorities kan maritime authorities lokot deh ekta search aro rescue operations conduct kuri shae, Oman laka state news agency para Monday din deh report kuri shae