Olympian Dipa Karmakar pora NCC CADETS Khan Logot Kodha Kurise

Kohima: Padma Shri  awardee Olympian gymnast Dr Dipa Karmakar  logot tai laga coach, Shri Bishweshwar Nandi, duijun aji Agartala, Shaheed Bhagat Singh Youth Hostel te etya jalu dhakiya NCC Cadets laga Advance Leadership Camp te log kurise. India laga alaka alak NCC Directorates te pora 300 NCC Cadets ke kodha kuriya te Coach-Disciple duijun pora taijun laga sporting experience young NCC Cadets khan logot te share kuri kena tai khan ke sports aro physical fitness ke jivan laga rasta karne rakhibole motivate kurise. Etu event toh  NCC Cadets pora ola Martial- Arts  khan pora rakhise  aro etu ke Olympian duijun pora khushi paise. Dronacharya awardee coach pora Tripura te dhakiya NCC Cadets laga  potential gymnasts khan ke kali borsu basic training dibo koi kena koise.