Chandigarh, 9 October : Olympian wrestler Vinesh Phogat Tuesday dinte Julana seat pra Jind district te tai laga debut election te jitise, jabole Congress ke Haryana Assembly elections te uphill task samna kuribo paraise.
Phogat total 65,080 votes secure kuri dise, Bharatiya Janata Party rival, professional pilot Yogesh Bairagi ke 6,015 votes margin para haraikina. Bairagi, juntu state youth wing laga Vice President aru tai laga debut electoral fight te ase, 59,065 votes paise, aru Surender Lather, Indian National Lok Dal pra third te ase, 10,158 votes logote.
Sitting MLA Amarjeet Dhanda, regional outfit Jannayak Janta Party (JJP) pra, jun party Indian National Lok Dal laga offshoot ase, sirf 2,477 votes paise.
Alag side te, AAP laga high-profile candidate Kavita Dalal, jun India laga first mahila World Wrestling Entertainment (WWE) wrestler ase, khali 1,280 votes paise.
Julana dey contest ekta “beti” aru “bahu” majote bhal para dekha diya hoise, Dalal Julana pra hoilebi, Phogat Balali, Charkhi Dadri district pra ase kintu taik laga in-laws Julana pra hoise.
Add Comment