New Delhi, 4 April : Mashal Sports, juntu Pro Kabaddi League laga organiser ase, tai successfully ekta ‘PKL Level Up’ Player Development Workshop conduct korise, juntu laga aim hoise kabaddi players khan ke mat upor laga performance para bhi bhal banai dibole.
Ei initiative ekta dangor milestone hoise professional kabaddi te, juntu te industry laga expert khan ekloi ahise players khan ke life skills, personal branding aru professional growth laga moka dibole. Workshop itu league laga commitment dikhai dise – tai nijor athletes khan ke support kore aru chahai ki tai sob hissa te bhal kori jao, sirf game te nohoi, personal life te bhi.
Event te aneka famous speaker khan ahi thakise, jiman Olympic bronze medallist PR Sreejesh, Meta India para Alpi Chaudhari, popular content creator Deepak Pareek, Neha Mathur Rastogi – WordsWork Communications Consulting laga founder aru CEO (India laga top Sports media relations company), aru Dr. Chaitanya Sridhar, renowned Sports and Depth Psychologist from Inspire Institute of Sport (IIS-JSW Sports). Program laga aim hoise players khan ke complete development karone useful tools aru ideas dibole.
Workshop te special sessions bhi thakise – players khan ke social media te thik se handle koribole, media interviews aru press conference karone prepare koribole training diya hoise.
Chaitanya Sridhar, juntu Olympic medallist khan ke bhi mentor korise aru 20 saal pora experience ase, Royal Challengers Bengaluru logot IPL te first mahila Sports Psychologist hobo pora ekta history bhi banai dise. Tai emphasise korise ki mental fitness bhi athletes karone utna important ase, jitna physical training.
‘PKL Level Up’ workshop te key players jiman Pardeep Narwal, Ashu Malik, aru Sachin Tanwar actively part luse – leadership, communication skills, personal branding aru career management laga session te. Itu initiative ekta new standard set korise professional sports support te – dikhai dise ki real success mane sirf match jitibo nohoi, life te bhi grow koribo.
Add Comment