Agencies, 22 July: Postpone kora Tokyo Olympics toh aha sal lobo naparibo judi coronavirus pandemic karni para situation thek nathakikena he thakise koile. Etu khobor toh Wednesday din organizing committee laga president para janaideya laga ase.
Japanese broadcaster NHK logode interview te, Yoshiro Mori koise, tai toh biswas thakise situation phal hobole aro vaccine toh key ase koikena suggest korise.
Mori koise, “Judi etu nesana type laga situation (COVID-19 logode) thaki thakise koile games toh lobole nemide dekthari hobo”.
Japanese te kotha kora samai Mori koise, judi aji kali laga situation toh thaki thakise koile ami khan naparibo.
Tokyo Olympics toh July 23, 2021 te khulibole ase. Ekta horu 15-minute ceremony toh fans nathakikena Thursday nemide scheduled korise. Etu toh notun national stadium te date mark koribole nemide ase.
International Olympic Committee aro Japanese organizers para game toh lobole ase koikena ase. Hoilebe tai khan para pandemic majode kenaka hobo etu opor te olob detail koise.
IOC aro organizers para be koise, Olympics toh aro postpone nakoribo aro canceled koribo.
Mori koise, “etu hypothetical questions te jawab debo karni ami khan nemide too much hobo. Ami bhabona nai etu situation toh aro ek sal nemide last hobole”.
Add Comment