Olympics postponed te extra $2.4 Billion korcha

Tokyo: December 4, 2020. Coronavirus bemari nemite Tokyo Olympics teri howa toh extra $2.4 billion philabo koikena Friday din organizers khan para janaishe. Tokyo 2020 para koishe, extra $1.5 billion operational dham teri howa nemite lakibo aro dosura $900 million toh aha saal Games samai coronavirus hoshari kam te jabo. Dollar toh 107 yen exchange rate te hesab kora ase aro etu aji laga rate te calculated korikena $2.56 billion osor te thakibo. Extra poisa toh aro othibo, Tokyo 2020 para kowa toh tai khan aro emergency funds nemite $250 million toh korcha kora te motob thibo. Extra korcha toh organisers aro Olympic officials khan para roki thaka Games postponed nemite ase aro international event toh aha saal bemari toh control nahoilebi thakiboli koishe. Hoilebi, poisa besi phela nemite Japan laga public manuh dhuk hobo, etu saal agae te polls samai majority manuh khan para Games toh postponed koribo nohoile eke logot cancelled hoboli bapana loishe. Extra poisa phela toh national government, Tokyo city aro organizers pithor te bhak koriboli koishe.