Om Prakash Mitharval gold jetise

Agencies, 4 September: Tuesday din Changwon, South Korea jaga de Shooter Om Prakash Mitharval pora India laga naam othaise gold medal jeti kena. Tai ISSF World Championships laga 50m pistol event de gold jeta laga ase. Etu sal Gold Coast jaga de, tai Commonwealth Games laga 10m air pistol aro 50m pistol even de bronze medal jeta thakise. Etu khelari pora yellow metal toh 564 score pora jeti lowah thakise. Mitharval toh Serbia’s Damir Mikec (562) aro local favourite Daemyung Lee (560) logode haraide kena gold jeta ase. Final de experience shooter Jitu Rai toh 552 pora 17^th jaga de kothom howah thakise. Tai jeta bechide Union Minister of Sports and Youth Affairs, Rajyavardhan Rathore pora young shooter logode tweet de congulate kora thakise. Eki category laga team competition de, Mitharwai, Rai aro Manjit toh 1658 pora fifth de kothom howah thakise. Individual category de Manjit toh final de na-para thakise aro tai 56^th position de kothom howah thakise. Women shooters Manu Bhaker aro Heena Sidhu toh 10m air pistol event de jetibole kosish kora thakise. 16-sal Bhaker toh Asian Games de 574 score pora 13^th de kothom howah thakise aro Sidhu toh 571 pora 29^th de kothom howah thakise. Bhaker, Sidhu aro Shweta Singh logode Indiam team 1713 points pora kothom howah thakise.