New York, 30 January : January 28, 2025 te, Netflix fans khan ke excited kuri kina One Piece Live Action season 2 laga release announce kuri dise, juntu originally 2025 te debut kuribo thakise. Kintu, release window remove kuri dise, juntu karone fans khan doubt kuri ase ki announcement bishi early hoi gose nohoile release delay hobo ni.
Recent Tudum event te, Netflix Eiichiro Oda laga One Piece live-action series aru LEGO majote ekta exciting collaboration announce kuri dise, aru nija laga naya toy sets anibole ase. Itu time te season 2 laga 2025 release window bhi tease kuri dise, kintu Netflix jaldi date remove kuri dise. Itu sudden removal karone fans khan tension te ase, speculation kuri ase ki production 2025 te complete nokuribo pare nohoile release 2026 te shift hobole ase. Sportskeeda laga report hisab te bhi fans khan itu suspicion rakhi ase. Netflix to itu upor te kunuba explanation diya nai. Itu sob nimite agote September 2024 te Oda nijor ekta special video te sequel laga development confirm kuri dise. Itu pisot fans khan aur excited hoi gose, karon nija laga naya cast members announce kuri dise, juntu ase Rigo Sanchez (Monkey D. Dragon), Joe Manganiello (Mr. 0 – Crocodile), Sophia Anne Caruso (Miss Goldenweek), aru Yonda Thomas (Ingram). Itu sob milaikina One Piece live-action series laga next chapter nimite anticipation dangor hoise
Add Comment