‘One sided’ demands de nadebo: Pakistan

Islamabad, 1 September: US Secretary of State Mike Pompeo na-haa agae de media pora report janaideya toh,  Friday din Pakistan prime minister Imran Khan pora Trump administration laga kundu one-sided demand de-hoilebe na-debo koise koi-kena janaise. Express Tribune pora report kora hesab de, junideya journalist logode Friday din Prime Minister House pora par-par kowah toh United States logode phal pora relation thakibo karni kowah thakise.  Tai pora kowah toh, US administration logode dignity aro respect pora kotha koribo koise. Islamabad jaga de Pompeo toh September 5 de aihebole ase. US khan Pakistan’s logode poila time pora kushi na-pai kena thakise. Kelay koile tai khan (Pakistan) pora Afghanistan Taliban aro tusara Terror groups logode lokai kena support kori thaga karni. Etu pora US khan Pakistan logode warn kora thakise aro military line de motob kori thaga be hatijabole korise. Trump pora be janaideta toh, tai laga government khan desh laga national interests de kelaf hoi kena thaga sob agreement khan cancel koribole janaise. Hoilebe tai pora kondu agreement de cancel koribole ase etu toh janaideya nai. Prime ministers pora be kowah toh, Pakistan be India, Afghanistan aro Iran logode phal relation thakibole kosish koribo koise.  Army headquarter de jaa bechide Khan’s toh media logode kotha kora thakise. Etu time de tai pora security situation laga kotha kora thakise. Tai koise, media ke sob right ase government logode kelaf koribo karni. Hoilebe performance de kelaf na-kora agae de PTI government logode tin-moina time debe koise. Khan pora wada kora toh, tin-moina majode tai khan laga desh poila pora phal hoijabo koise. Prime minister pora be janaideya toh, tai laga cabinet members toh permanent karni juna nahoi aro tai khan laga performance de sai-jai kena putli koribole ase koise.