February 07, 2025, 06:28 PM: Ekta training session, itu ‘Online Civil Registration System of Births & Deaths’ toh hoiley, 6th February, 2025 tey loishey, itu DESO office, Wokha tey, Chonbeni Oren Patton, ESP, Kohima logotey, tatey resource person hisap buhi kena.
Itu resource person aru master trainer khan para digital registration laga importance highlight kurishey, keneka itu dunia toh hoiley rapid para digitize hoi jai thaka laga dikhi kena ahishey, aru itu progress toh eneka hey thaki thakiboley karney. Tai para itu civil registration process khan laga digitalisation bhi highlight kurishey aru point out kurishey ki, online registration, Nagaland tey, toh hoiley itya 1% nichetey asey, itu state toh alag state khan para bhi bishi pichey kuri di kena. Itu nimitey, tai para itu participant khan ke urge kurishey, focus thakiboley karney aru active para engage thakiboley, itu workshop tey. Tai para itu bhi mention kurishey ki, itu implementation laga first phase toh hoiley complete hoi jaishey.
DESO, Wokha – R. Thsanso para tai laga closing remark khan tey, Wokha ke commend kurishey, tai khan laga high performance nimitey, alag district khan logotey compare kuri sai kena aru emphasize kurishey ki, itu training toh hoiley ekta crucial government policy thakishey koi kena.
Tai para itu bhi explain kurishey, User ID toh hoiley ki asey aru itu laga role toh ki asey system tey.
Add Comment