Nagaland te kitab laga syllabus ke student aro society laga jarurat hisap te thik point te banabole laga urgent dorkar asey. Etu tu khas kurikina rajya laga unemployment(naukri napaikina thaka manu) khan laga number ke saikina kuwa asey. Etu number hisap te bisi bhak under-graduate(Class 12 pass hoikina thaka) aro graduate hoija manu khan kaam napaikina buhi asey. Amikhan laga school aro college khan bisi joldi joldi eman bisi graduate aro undergraduate student produce kora laga ki matlab asey jabki etu student khan nahi nijor para poisa kamabole pari asey aro nahi taikhan laga jarurat hisap te naukri paia sey. Student khan para jeney tene jibon cholabole nimitey poisa kamabole naparisey koiley aro bhal naukri napaisey koiley educational(pora-likha) certificate khan tu eku kaam nathaka ekta kagos laga tukra hey asey. Duniyabhor te, ajikali stress tu pora-likha area te enaka course khulibole laga asey kuntu te naukri pabole laga bhal chance thakibo. Etu hisap te saisey koiley, hoi, student khan ke naukri pabole modod kora course khan ke welcome kuribo. Hoilebi etu para agey barikina saisey koiley, higher education te student khan majotey character aro vision bana laga maksat bi shamil asey. Kuntu para desh ke banabole laga kaam agey loijabole laga zimidari lobole asey. Education(pora-likha) hasil kuribole tu puribole aro likhibole paribole karney nohoilebi samaj te ekta izzadar position maintain kuribole nimitey eney ekta formality nisna hoijaisey. Kilemaney asol educational setup tu etya tak ahanai. Kuntu nimitey institutionalized(school/college te pa) education para student khan laga dimag ke kapza kurikina rakhi asey. Research thik thak nokora aro vocationalized education thik thak nathaka para etu halat ke aro biya kuridisey. Student khan hosa bi bujikina sikha nohoikina kitab laga kahani khan yaad kurikina opor opor para hey sikhi asey. Knowledge(gyan) tu Student khan laga dimag laga kuntu his ate bi napabo kilemaney etu tu kitab khan laga print bhitor te lock hoikina asey. Education tu perfection laga nutun height te pungchibole nimitey nohoikina khali exam pass kuribole nimitey hey di asey. Etu te eku asurit nai ki future tu dhundla(ekta clear nathaka) dikhi asey. Aro last te nirash hobole hey asey. Bisi alag alag classroom bhitor te enaka student khan asey kun khan alag alag subject te masters tak pungchibole laga aim korey. Amikhan laga student logotey knowledge(gyan) nimitey kitya bi bujhabole napara laga pyas thaka laga bawajut taikhan tu competitive exam(jaiseki banking aro dusra central exam khan) te bisi bhak pass hobole naparey. Future te ki hobole asey etu najanikina etu alag alag subject laga master khan tu ya toh government service te Class-III employee hoijai nohoile kunba private company join kuri loi. Aro baki student khan tu naukri napaikina enaka hey buhi thakey.
Aji bisi bhak graduate hoikina thaka manu khan logotey job market ke match kora skill nai. Taikhan tu bisi bhak available thaka job openings nimitey qualified nathakey. Monduk laga kotha tu aji tak etu soch bodli huwanai aro amikhan laga graduate huwa student khan etya bi enaka maney ki ekta government job paisey koiley, kiman biya hoisey koilebi, taikhan para jibon te sobkuch hasil kuri loisey. Etya homoi ahisey political leader khan para etu realize kuribole ki school curriculum tu taikhan laga school ja din para taikhan yaad thaka wala straitjacket( nohoi hoilebi aji etu tu opportunity khulidibole laga ekta jariya asey.
Add Comment